All informasjon til gruppa, som td endringar av treningsstad, stilart osb blir berre varsla pr e-post. Det er derfor viktig at alle står på e-postlista til trenarane. For å koma på denne lista: Send e-post til nri@broadpark.no, med opplysningar om namn, fødselsår, telefonnr og epostadresse.

Litt om treningsoppmøte

Trenarane oppmodar ungar i 1994-årgangen til å møte to gonger i veka på trening, dersom ikkje andre aktivitetar kolliderar med treningstidspunkta. For 1995-årgangen bør ein gong i veka vera nok (anten tirsdag eller torsdag).

Ungane er no i ein ideell alder for å prøve ut fleire idrettar. Trenarane oppmodar derfor til allsidig idrettsdeltaking. Dersom dette gjer at ungane ikkje kan møte på skitrening to gonger i veka, betyr det lite. Det viktige er å vera i aktivitet og ha det moro. NB! Dette er berre retningsliner frå trenarane. Foreldra må saman med ungane finne ut kva som høver den enkelte.

Påmelding skirenn

Informasjon om rennpåmelding finn ein på påmelding. Trykk på linken for vår gruppe, og de får oversikt over anbefalte renn for vår gruppe (prioritet 1, 2 eller ingen). Her ligg det også kommentarar om kva renn som eignar seg godt for dei som er nye: Det er viktig at dei første renna blir ei god oppleving med tanke på løypetrase, stemning osb! Vi oppmodar flest mogleg til å delta på renn i vinter, men dette er sjølvsagt heilt frivillig. (De vil få tilgang til ein "Hovedmeny" når de har meldt dykk på, der det blant anna er høve til å sjå kva renn andre har meldt seg på i ["List ut alle og de renn de er påmeldt i"].)